Nokia Treasure Tag ជួយស្វែងរក របស់របរដែលអ្នកបាត់(វីដេអូ)!!!
0
កាលពីខែ កក្កដា ២០១៣ កន្លងទៅនេះ យើងបានទទួលដំណឹងជាលើកដំបូងអំពីឧបករណ៍ Nokia Treasure Tag ហើយឥឡូវនេះ ស្រាប់តែ Nokia បានប្រកាសជាផ្លូវការនៃ Nokia Treasure Tag នេះ ដែលជាឧបករណ៍ប្រើសម្រាប់រុករករបស់របរ ដែលយើងបានបាត់ដោយមិនដឹងខ្លួន តាមរយៈការបញ្ជារុករកពីស្មាតហ្វូនរបស់អ្នក។
Nokia Treasure Tag គឺជា Devices មួយដែលបង្កើតឡើងក្នុងគោលបំណងជួយរុករកនូវសម្ភារៈមួយចំនួនដែលលោកអ្នកបានបាត់ ដូចជា កូនសោ កាបូប កង់ ម៉ូតូ ជាដើម។តើការរុករករបស់របរនោះ វាដំណើរយ៉ាងដូចម្តេចទៅ?Nokia Treasure Tag ប្រើសម្រាប់ភ្ជាប់ទំនាក់ទំនងទៅកាន់ស្មាតហ្វូនឬថេបប្លេតរបស់អ្នក តាមរយៈប្រព័ន្ធ NFC ឬ Bluetooth ដោយប្រើកម្មវិធីមួយសម្រាប់ Windows Phone ដើម្បីអាចឲ្យទូរស័ព្ទអាចស្គាល់វាបាន។ចំពោះសម្ភារៈ របស់របរ ដែលសំខាន់ៗដូចជា ម៉ូតូ កូនសោ កាបូបលុយ លោកអ្នកអាចឲ្យ Nokia Treasure Tag ជួយអ្នកបាន គ្រាន់តែអ្នកចាំបាច់ត្រូវមាន Windows Phone Devices មួយ(មានកម្មវិធីរុករក) និង Nokia Treasure Tag មួយ(យកទៅបំពាក់ឬទៅដាក់លើសម្ភារៈដូចបង្ហាញក្នុងរូប) ជាការស្រេច។ការរចនារូបរាងរបស់វា ក្នុងទំហំវិមាត្រ 30mm x 30mm x 10mm និងមានជម្រើសនៃពណ៍ដល់ទៅ ៤គឺ ពណ៍ខ្មៅ ស ខៀវ និង ពណ៍លឿង។គួររំលឹកផងដែរថា ឧបករណ៍ Nokia Treasure Tag សម្រាប់ពេលនេះអាចដំណើរការបានតែជាមួយ Windows Phone តែប៉ុណ្ណោះ សម្រាប់ Android និង iOS វិញ ក្រុមហ៊ុន Nokia កំពុងស្ថិតក្រោមការអភិវឌ្ឃកម្មវិធី ហើយលោកអ្នកអាចរកវាបាន ក្នុងតម្លៃ ៣០ ដុល្លារ៕
ប្រភពៈ Nokia
